女星清爽又可爱马尾造型盘点

靓有好多种，雍容华贵盛装打扮系一种，长发披肩仙气女神又系一种，其实圈中好多神级女星最钟意随意扎条马尾，清爽简单有亲和力，做运动又够方便，最紧要突出五官又减龄，即时young晒！30岁张曦雯

剧接剧、几乎所有角色都系高尚专业人士，去到边都系一副女神格，张曦雯扎起马尾上嚟其实除咗减龄之外，仲变得亲和又贴地。

稍稍露背，整体造型登时变得高雅。

27岁陈欣妍

陈欣妍成为啤酒代言人后，自爆为拍好勤做gym集中操臀，终于练成迷人蜜桃臀喎！其实点止蜜桃臀吸引，每日睇佢喺IG扎住马尾晒胸平腹做运动都系享受。

25岁戴祖仪

识唱又识演、外形讨好上位极速，戴祖仪仲系会考8A状元喺英国名牌莱斯特大学法律系毕业，其实马尾喺学霸神身上一样适用。

26岁梁茵

平民出身公屋长大，梁茵一向浑身邻家女孩平实气质，其实扎条马尾简单又清爽，真正做番自己。

马尾学生look更见清纯。 26岁何依婷

由细到大被妈妈悉心栽培做到一级荣誉毕业生、英美名牌大学交换生再当选埋港姐亚军成为乐易玲力捧新欢，其实目标为本慨何依婷都有简单清新一面，不马尾学生look更见清纯。过下次个妆化淡少少会更煞食。

29岁王卓淇

最钟意喺IG晒身材、晒长腿，王卓淇亦都因此成功达到吸纳粉丝目的，如今已经系追踪超过廿万粉丝慨IG大户。不过过分沉迷用滤镜美图变身都唔系好事，王卓淇张张相都唔同样，手臂又离奇变形。

27岁林颖彤

14岁已经出道拍戏做model，年纪轻轻慨Bella林颖彤演艺经历其实好资深。有心搣甩个大唔透娃娃脸，Bella呢个发型证明梳马尾其实都可以有轻熟女慨气质，成熟得嚟不失可爱。

28岁邝洁楹

笑容甜到漏，身材又细细粒，本来已经可爱爆灯，再加埋条马尾，28岁邝洁楹都时光倒流变学生妹，回到少女时一样！

26岁余思霆

17年华姐冠军余思霆招牌长发贵气又有女人味，其实冠军人马五官出众，梳起马尾一样省镜仲加添几分青春气色。