郭嘉骏193避谈娶初恋女友 赚钱不够带父母旅行

193（郭嘉骏）早前寸爆TVB收视得几百部电视机而爆红，连带ERROR亦人气急升。成员肥仔（梁业）日前单拖上陈志云的YouTube节目，自爆身高160cm，现在重190磅，是人生体重巅峰，比起两年前参加《全民造星》时重了足足20磅。阿妈话我细个好瘦，系自己搞大自己个肚！因为小学父母好严，考试期间一定要留喺房温书，唯一休息就系出厅一边睇电视一边食嘢，仲训练到可以坐喺度瞓着。虽然肥仔好肥，但身手灵活，在现场又唱又跳，被志云问会否积极减肥，变姜涛2.0？肥仔谦虚地说：唔会，姜B得一个，我唔够渠高，又冇得同郭富城比，所以冇谂过。

现年31岁的肥仔，入行2年多，自觉仍未能赚到钱养家，觉得愧对父母，一时感触落泪。他自言是被现场的音乐影响力情绪，哽咽地说：我仲有个哥哥做game designer，一家人一齐住，越大越多感触...啲音乐好煽情...有几晚发梦有亲人离开咗，好真实，我坐喺床头望住父母，好似未做过啲乜，间唔中都会发呢个梦，梦中我嚎哭喊到醒咗。如果我仲有第二只歌，我系想写畀我阿妈，我唔想畀自己后悔，我未必赚到好多钱，但一直好想带渠哋去旅行，而家只系喺屋企食吓饭，想令渠哋安享晚年。他直言有时因为工作太忙，会向妈妈发脾气，事后亦有讲对唔住，志云希望肥仔在镜头讲跟父母讲句：我爱你，肥仔却担心太肉麻，只说：Daddy妈咪我会努力，乖乖赚钱，同你哋去旅行，呢个系我短期目标想做慨嘢。

与女友拍拖8年未有结婚计划

提到拍拖8年的初恋女友阿芬，二人在舞蹈学会认识，因为自己贪玩，又钟意打麻雀，曾分开一段时间再复合。陈志云在现场开出诱因逼婚，笑言会免费做婚礼司仪，而钢琴王子陈隽骞都会帮手现场音乐，肥仔笑说：好劲慨助攻，好进击！但我过唔到自己嗰关，希望事业有成先（结婚），现在还可以，但希望可以再好啲。志云继续苦苦相逼，搞到肥仔一脸尴尬说：唔好讲呢啲啦！

节目上，肥仔透露了一件遗憾的事，指自己当年介绍一位比他细几岁的好朋友入跳舞圈子，怎料对方却误交损友，结果犯事坐监。肥仔说：为咗鼓励渠，我排咗一只舞，当时听到王菲《棋子》呢首歌，觉得人慨命运系可以操纵，而我作为一个朋友，冇好好指引渠行一条啱慨路，我觉得好内疚同好唔开心。而渠都好惨，刚坐监时，爸爸因为心脏病离开咗，现在应该仲有年几先可以出监。